Рэдакцыя часопіса "Роднае слова" пры падтрымцы рэспубліканскага ўнітарнага прадпрыемства "Выдавецтва "Адукацыя і выхаванне", Літаратурны музей Максіма Багдановіча, Інстытут літаратуразнаўства імя Янкі Купалы Цэнтра даследаванняў беларускай культуры, мовы і літаратуры НАН Беларусі абвясцілі конкурс навуковадаследчых работ "Светлы след будзе вечна жывы", прымеркаваны да 135-годдзя з дня нараджэння Максіма Багдановіча.
Да ўдзелу ў конкурсе запрашаюцца: вучні 9-11 класаў, навучэнцы каледжаў і тэхнікумаў, студэнты ВНУ.
Прыём работ праводзіцца да 18 кастрычніка 2026 г.
Тэматычныя накірункі конкурсу:
Максім Багдановіч: новае прачытанне літаратурнай класікі;
Актуалізацыя творчасці Максіма Багдановіча ў моладзевым асяродку;
Кірункі пошуку новых звестак пра Максіма Багдановіча;
"І прад высокаю красою...": жаночыя вобразы ў творчасці Максіма Багдановіча;
Максім Багдановіч і вобразы яго твораў у сучаснай беларускай культуры;
Штучны інтэлект як інструмент даследавання і папулярызацыі беларускай літаратуры;
Мой ідэальны літаратурны музей.
Навукова-даследчыя работы і заяўкі на конкурс абавязкова дасылаюцца як у папяровым, так і ў электронным выглядзе на адрасы: 220035, г. Мінск, пр. Пераможцаў, 47, корп. 1, пад'езд 2, рэдакцыя часопіса "Роднае слова", з пазнакай на канверце “На конкурс” (папяровы варыянт); rs-konkurs@yandex.by (электронны варыянт).
Больш пра ўмовы правядзення конкурсу можна даведацца ў Палажэнні і дадатках да яго на сайце часопіса:.
Пераможцы конкурсу будуць запрошаны да ўдзелу ў працы моладзевай секцыі Міжнароднай навукова-практычнай канферэнцыі "Прастора творчасці", якая адбудзецца ў лістападзе 2026 г. у Літаратурным музеі Максіма Багдановіча.
Запрашаем да ўдзелу ў конкурсе, жадаем поспеху!