З 3 сакавіка па 27 красавіка 2025 года на базе дзяржаўнай установы адукацыі "Сярэдняя школа № 7 г. Барысава" праводзіцца раённы этап рэспубліканскага творчага конкурсу юных чытальнікаў "Жывая класіка" у завочнай форме.
Конкурс праводзіцца ў мэтах павышэння цікавасці дзяцей
і падлеткаў да чытання; развіцця і захавання высокіх маральных каштоўнасцяў і ідэалаў беларускага грамадства; выхавання падрастаючага пакалення на лепшых узорах нацыянальнай літаратуры; прыцягнення ўвагі грамадскасці да праблематыкі чытання; пашырэння чытацкага кругагляду; пошуку і падтрымкі таленавітай моладзі.
Конкурс прысвечаны Году добраўпарадкавання і 80-годдзю Перамогі ў Вялікай Айчыннай вайне.
Конкурс праводзіцца сярод навучэнцаў устаноў агульнай сярэдняй адукацыі, устаноў дадатковай адукацыі дзяцей і моладзі наступных узроставых груп: 1-4 класы, 5-6 класы, 7-8 класы, 9-10 класы.
Конкурсныя выступленні ацэньваюцца адпаведна з крытэрыямі: узровень выканальніцкага майстэрства; выбар тэксту твора; пачуцце жанравай асаблівасці; творчы патэнцыял.
Пераможцы і прызёры вылучаюцца ў наступных узроставых катэгорыях:
1-я ўзроставая катэгорыя (1-4 класы);
2-я ўзроставая катэгорыя (5-6 класы);
3-я ўзроставая катэгорыя (7-8 класы);
4-я ўзроставая катэгорыя (9-10 класы).
Запрашаем прыняць удзел!