З 27 красавіка па 12 мая 2026 года на базе дзяржаўнай установы адукацыі "Сярэдняя школа № 7 г. Барысава" пройдзе раённы этап рэспубліканскага творчага конкурсу юных чытальнікаў "Жывая класіка – 2026".
Конкурс праводзіцца ў мэтах: павышэння цікавасці дзяцей і падлеткаў да чытання; развіцця і захавання высокіх маральных каштоўнасцяў і ідэалаў беларускага грамадства; выхавання падрастаючага пакалення на лепшых узорах нацыянальнай літаратуры; прыцягнення ўвагі грамадскасці да праблематыкі чытання; пашырэння чытацкага кругагляду; пошуку і падтрымкі таленавітай моладзі; фарміравання нацыянальнай самасвядомасці і грамадзянскай адказнасці; захавання гістарычнай памяці і павагі да подзвігу вызваліцеляў.
Конкурс праходзіць пад дэвізам: «Стваральная сіла беларускага слова: з рук маці - у сэрца Радзімы». Тэму раскрываюць творы класікаў беларускай літаратуры, прысвечаныя павазе да роднай зямлі, сяброўству і веры у светлую будучыню, якія перадаюцца ад пакалення да пакалення; разуменню міру і спакою як найвышэйшай каштоўнасці, здабытай дзякуючы самаадданасці абаронцаў Айчыны; стваральнай энергіі беларускай літаратуры, якая з'яўляецца найважнейшым сродкам духоўнага развіцця, скарбніцай гісторыі народа і вялікай энцыклапедыяй жыцця; увазе да Года беларускай жанчыны, які абвешчаны ў 2026 годзе і сімвалічна пераклікаецца з тэмай конкурсу.
Пры падрыхтоўцы да конкурсу прапануем звярнуць увагу на творы пісьменнікаў-юбіляраў: Івана Мележа, Івана Шамякіна, Кандрата Крапівы, Змітрака Бядулі, Максіма Багдановіча, Васіля Віткі, Алеся Бадака і многіх іншых.
Для ўдзелу ў конкурсе запрашаюцца навучэнцы ўстаноў агульнай сярэдняй адукацыі, устаноў дадатковай адукацыі дзяцей і моладзі наступных узроставых груп: 1-4 класы; 5-6 класы; 7-8 класы і 9-10 класы.