Установа "Дзяржаўны музей гісторыі беларускай літаратуры", рэдакцыйна-выдавецкая ўстанова "Культура і мастацтва" і грамадскае аб’яднанне "Саюз пісьменнікаў Беларусі" да 80-годдзя вызвалення Беларусі ад нямецка-фашысцкіх захопнікаў праводзяць рэспубліканскі конкурс літаратурных крыжаванак "Нельга забыць: вайна ў творах беларускіх пісьменнікаў".
Да ўдзелу ў конкурсе запрашаюцца дзеці і моладзь ва ўзросце ад 10 да 18 гадоў. Канкурсантам прапануецца актывізаваць свой інтэлектуальна-творчы патэнцыял і паспаборнічаць у стварэнні змястоўных, арыгінальных крыжаванак на тэму ваеннага мінулага нашай краіны і яго адлюстравання ў літаратурнай спадчыне беларускіх пісьменнікаў.
Пераможцы атрымаюць дыпломы і памятныя падарункі ад арганізатараў конкурса, лепшыя крыжаванкі будуць размешчаны ў газеце «Культура» рэдакцыйна-выдавецкай установы «Культура і мастацтва».
З палажэннем аб творчым конкурсе можна пазнаёміцца тут.