З 15 па 20 лютага 2021 года ў рамках святкавання Міжнароднага дня роднай мовы на базе дзяржаўнай установы адукацыі "Сярэдняя школа № 23 г. Барысава" будзе арганізаваны III адкрыты раённы паэтычны конкурс чытальнікаў на беларускай мове сярод навучэнцаў устаноў адукацыі Барысаўскага раёна "Акрыляе роднае слова".
Удзельнікам конкурсу прапанавана звярнуцца да гумарыстычных твораў беларускіх аўтараў і на іх аснове падрыхтаваць выразнае чытанне аднаго верша ці празаічнага ўрыўка. Выступ можа суправаджацца музычным фонам, мультымедыйнай прэзентацыяй.
У мэтах забеспячэння бяспекі канкурсантаў і выканання метадычных рэкамендацый па папярэджанні і распаўсюджванню Covid-19 конкурс будзе праходзіць у дыстанцыйнай форме. Больш падрабязна з інфармацыяй аб правядзенні конкурсу можна азнаёміцца ТУТ.