Да дню беларускага пісьменства (5 верасня) школьнымі бібліятэкарамі г.Мінска распрацаваны праект, які запрашае прыняць удзел усіх зацікаўленых.
Прапануем стварыць Літаратурную карту Беларусі ХХ-ХХІ стст і такім чынам аб'яднаць лепшых Майстроў слова нашай краіны.
Калі ласка!!! Запрашаем да ўдзелу ўсіх!
Што робім? Рухаемся па алгарытме:
1. Прагледзьце прыклады метак, што ўжо ёсць на карце (за ўзор пажадана браць меткі Сеткавай суполкі).
2. Упэўніцеся, што выбраны вамі аўтар яшчэ не прадстаўлены.
3. У пошукавым радку набярыце месца нараджэння выбранага вамі аўтара.
4. У акенцы, што з'явілася, націсніце + (дабавіць метку на карту).
5. Націснуўшы на аловак унізе акенца, вы можаце ўнесці карэктывы:
- у верхнім радку змяніце назву геаграфічнай кропкі на назву вашай установы;
- націсніце на значок фотаапарата, каб дабавіць фота пісьменніка;
- пад фота ўпішыце прозвішча (на першым месцы!), імя, імя па бацьку, год нараджэння / гады жыцця пісьменніка (каб перайсці на чырвоны радок, неабходна дадаткова адначасова націснуць дзве клавішы Shift + Ctrl);
- дайце спасылкі на біяграфію пісьменніка і яго творы;
- добра, калі змесціце спасылкі на аўтарскія матэрыялы, сустрэчы з пісьменнікам у вашай установе.
Быць Беларусам — Гэта значыць
Свайго ні гуку не забыць,
Усё чужое перайначыць,
Каб Беларусі вечнай быць!
Быць Беларусам — Гэта значыць
За родны край згараць на дым,
Па-беларуску чуць і бачыць
На гэтым свеце і на тым. Р. Барадулін
Падрабязней па сылках:
Школьные библиотекари города Минска https://minskschoollibrarians.blogspot.com/2021/02/blog-post_21.html?m=1
Літаратурная карта Беларусі
https://www.google.com/maps/d/u/0/edit?mid=1lrgyNYLxRCq3nccu2WUZOQoalf9Oae3O&ll=56.65615355225825%2C26.620831661236167&z=6
#БиблиоPlaneta Сообщество школьных библиотекарей Борисовского района (Беларусь)https://iuliastarowoitowa.blogspot.com/